13.10.2023, 17:31 244
- Bu il Azərbaycanın xalq şairi Məmməd Arazın anadan olmasının 90 ili tamam olur.
Məmməd Arazın 90 illik yubileyi münasibətilə Azərbaycan Milli Kitabxanasının əməkdaşları tərəfindən “Azərbaycanın xalq şairi Məmməd Araz – 90” adlı elektron məlumat bazası hazırlanıb.
Milli Kitabxananın verdiyi məlumata görə, elektron məlumat bazası “Rəsmi sənədlər”, “Həyat və yaradıcılığı”, “Həyat və fəaliyyətinin əsas tarixləri”, “Görkəmli şəxslər Məmməd Araz haqqında”, “Əsərləri”, “Haqqında nəşrlər”, “Sözləri Məmməd Arazındır”, “Fotoqalereya” və “Videoqalereya” bölmələrindən ibarətdir. Bazada təqdim olunan materiallar tam mətnləri ilə verilib.
Elektron məlumat bazasında həmçinin şairin şeirlərinə bəstələnmiş mahnılar, Xalq şairi Məmməd Arazın radio çıxışı, həyat və fəaliyyətini əks etdirən fotolar və digər sənədlər də yer alıb.
Elektron məlumat bazası ilə tanış olmaq istəyənlər http://anl.az/el/emb/M.Araz/index.html linkindən istifadə edə bilərlər.
Həmçinin Milli Kitabxanada “Xalq şairi Məmməd Araz – 90” adlı ənənəvi kitab sərgisi açılmışdır. Sərgi 1 həftə davam edəcəkdir.
Hazırladı: Mina RƏŞİD
