• “Ermənistanda tam bir arxayınlıq var idi. Onlar düşünürdülər ki, artıq  məsələ bitib və onlar yenidən revanş götürərək hətta ola bilsin ki, bir müddətdən sonra Azərbaycanın azad etdiyi əraziləri işğal edə bilsinlər. Bunun  çox ciddi səbəbləri var idi. Səbəb o idi ki, onların havadarları onları arxayın etmişdi. Beynəlxalq təşkilatlar bu gün olduğu kimi o dövrdə də Ermənistanı  tam dəstəkləyirdilər və onlara təminat  verirdilər ki,  biz sizin yanınızdayıq və Azərbaycanın bütün Qarabağın azad etməsinə imkan verəməyəcəyik”.

Bunu Milli Məclisin deputatı Ceyhun Məmmədov Vətən Müharibəsindən sonra baş verən hadisələri İctimai Televiziyada təhlil edərkən deyib.

O vurğulayıb ki, bunu açıq-aydın biz görürdük və nədə görürdük? Yeni silahların alınmasında, üçtərəfli bəyanata əməl edilməməsində, onun bir çox bəndləri var idi ki,  ermənilər ona əməl etməmişdilər və əməl etmək niyyətləri də yox idi: “Eyni zamanda  yeni səngərlərin qazılması və hesab edirəm, burda Rusiya amili də  ciddi rol oynayırdı, yəni sülhməramlı qüvvələrin  ora gəlməsi və ermənilərə açıq-aydın dəstək verməsi, humanitar yardım adı altında  orda bir sıra layihələrin həyata keçirilməsi Ermənistanda belə bir arxayınlıq yaratmışdı ki, artıq müharibə dayandı və Azərbaycan növbəti dəfə hansısa bir əməliyyat keçirməyəcək. Əslində bizim planımız vardı ki, 2020-ci ildə Xankəndinə daxil olmaq, amma biz gözlədik ki, bəlkə, bir neçə il ərzində Ermənistanla danışıqlar apararaq bir razılığa gələ bilərik. Amma ermənilər bunu etmədilər. Qeyd etdiyimiz kimi nəinki bunu, indi biz o dövrə baxanda atəşkəsin davamlı pozulması, Azərbaycan təyyarələrinin naviqasiya sistemlərinə davamlı müdaxilə edilməsi, eyni zamanda minaların basdırılması, sonrakı dövrdə biz Sarıbaba və digər yüksəkliklərdə  müharibədən sonra Ermənistanda istehsal olunmuş minaların basdırılmasının şahidi olduq. Ümumiyətlə, seçkilərin orda keçirilməsi, yəni qondarma rejimin yenidən prezident seçkiləri keçirməsi, Paşinyanın da onlara təbrik ünvanlaması, (bunu cənab Prezident dəfələrlə  vurğulayıb), onlarda bir arxayınlıq yaratmışdı. Amma  təbii ki, Azərbaycan da  dura bilməzdi. Çünki  biz uzun müddət gözləyə bilməzdik ki,  onlar yenidən güclənsinlər. Söhbət bir milyard ətrafında silahdan gedir, Qarabağda olan silahdan gedir. Onlar yenidən ora silah daşısınlar,  yenidən atəşkəs pozsunlar və Azərbaycana qarşı yenidən müharibə elan etsinlər. Ancaq Azərbaycan bunu etdi və mən hesab edirəm ki, Ermənistan  indiki dövrdə də həmin baş verən hadisələrdən nəticə  çıxartmalıdır. Əslində  2020-ci ildə nəticə çıxartmadı”

Millət vəkili daha sonra vurğulayıb ki, Azərbaycan 2023-cü ildə antiterror əməliyyatlarını uğurla icra etdik: “Bilirsiniz ki, indi Zəngəzur dəhlizi məsələsi var və mənim gördüyüm odur ki,  həm də burda bir paralel aparanda, bu gün Ermənistanın etdiyi bir il bundan əvvəlki  proseslərə çox bənzəyir. Yəni yenidən silah almaq,  yenidən texnika almaq, yenidən Azərbaycana qarşı  hansısa ittihamları səsləndirmə, düşünürəm ki, Ermənistan bu tarixləri yaxşı xatırlamalıdır. Biz cənab Prezidentin rəhbərliyi ilə, bilirsiniz, indi biz bunu çox qeyd edirik,  son iki yüz, üç yüz illik tariximizdə  biz bölgəmizdə erməni məsələsinə nöqtə qoyduq. Yəni bu məsələni kökündən həll etdik”,- deyə millət vəkili əlavə edib.

Tahirə AĞAMİRZƏ