16.02.2024, 11:46 330
- İqtisadçı Vartan Bostançıyan "Hraparak"ın müxbiri Hayk Gevorkyanla müsahibəsində hökumətin ölkə vətəndaşlarını daim aldatdığını bildirib. Deyib ki, Paşinyan, eləcə də iqtisadiyyatla məşğul olan rəsmilər guya iqtisadi tərəqqi olduğundan pafosla danışmağa vərdiş ediblər. Hər bir dövlətdə iqtisadiyyatla yanaşı vergi sisteminin də olduğunu və bunların bir-birini tamamladığı xatırladan tanınmış iqtisadçı əlavə edib ki, Ermənistanda belə tarazlıq yoxdur. Çünki istehsal az olduğuna görə dövlətə ödənilən vergi də az olur. Hakimiyyət isə bunu bilə-bilə yalanlar uydurur ki, guya məhsul istehsalı, adambaşına düşən gəlir ilbəil artır.
İqtisadi məsələləri tənzimləyən qanunda da boşluqlar olduğunu xatırladan V.Bostançıyan əlavə edib ki, sözügedən sahədə də islahatlar aparılmasına ehtiyac var. O, deyib ki, hökumət ordunun gücləndirilməsi üçün işlər getdiyini hər dəfə eyni pafosla təkrarlayır, amma heç kəs bu fikrə etiraz edib demir ki, iqtisadiyyat çökübsə, ordunu hansı vəsaitlə gücləndirəcəksiniz? Bu gün Ermənistana silah verənlər sabah pullarını tələb edəndə nə deyəcəksiniz?
İqtisadçı "düşmən qonşumuz iqtisadiyyatını durmadan inkişaf etdirir və bizdən yeni ərazilər tələb edir" - deyərək əgər belə davam edərsə Ermənistanın öz içindən məhv olacağını istisna etməyib.
Nə deyirik, təki belə olsun.
Nəsib Qaramanlı
