22.07.2022, 09:55 451
- Azərbaycan Televiziya və Radio Verilişləri Qapalı Səhmdar Cəmiyyətinin Mədəniyyət Nazirliyi və Yazıçılar Birliyi ilə birgə layihəsi əsasında yeni müsabiqəyə start verilib. 44 günlük İkinci Vətən Müharibəsində qazandığımız Zəfərə həsr olunan bu şeir müsabiqəsi “Könlüm keçir Qarabağdan” adlanır.
Qeyd edək ki, şeirlər qəhrəmanlarımızdan, işğaldan azad edilmiş torpaqlarımızdan və tarixi qələbəmizdən bəhs etməlidir.
Müsabiqədə 18-40 yaş arasında olan müəlliflər yalnız yeni,
çap edilməmiş şeirləri ilə iştirak edə bilərlər;
Şeirlər 14-lük Times New Roman şriftlə və 1,5 intervalla word faylında yığılmalıdır;
İştirakçılar müsabiqəyə şeirlərlə yanaşı şəxsiyyət vəsiqələrinin hər iki üzünü, fotolarını, ünvan və əlaqə nömrələrini qeyd etməklə qısa tərcümeyi hallarını müvafiq fayllarda aşağıdakı elektron poçt ünvanına göndərməlidirlər:
kkgsheir@gmail.com
İyulun 10-dan başlanan müsabiqə sentyabr ayının 10-dək davam edəcək.
Müsabiqə iki mərhələdə aparılacaq, ədəbi nümunələr nüfuzlu münsiflər heyəti tərəfindən dəyərləndiriləcək, ilk mərhələni keçən şeirlər efirdə təqdim ediləcək, I, II və III yerin qalibləri Zəfər günümüzdə pul və xüsusi mükafatlara layiq görüləcəklər.
İnformasiya və təşkilati dəstək: Mədəniyyət kanalı, Bakı Kitab Mərkəzi, "Ədəbiyyat qəzeti" və Azərbaycan Radiosudur.
