31.10.2024, 12:09 281
- Qarabağ Universitetinin rektoru Şahin Bayramov bildirib ki, Prezident İlham Əliyev “Qarabağ Universitetinin yaradılması tarixi bir hadisədir” deməklə hər birimiz üçün bu cümlənin sloqan olmasına imkan yaratdı. Dövlət başçısı açılış tədbirində etdiyi geniş çıxışda vurğuladı ki, bu ali təhsil ocağı Azərbaycanın qabaqcıl universitetlərindən biri olacaq: "Biz bu çıxışdan irəli gələn məsələləri tapşırıq olaraq qəbul etdik və qarşımıza qoyulan strateji hədəflərə çatmaq yolunda müvafiq addımlar atmağa başladıq.
Hədəfimiz Qarabağ Universitetini tələbəyönümlü, elmi-təqqiqat əsaslı, yüksəkixtisaslı kadr hazırlamağa yönəlmiş çağdaş idarəetmə modeli üzərində qurmaqdır. Bu mənada gözləntilərimiz çoxdur. Əvvəla, Qarabağ Universiteti doğma Qarabağımızın quruculuq prosesində fəal rol oynamalıdır, məskunlaşma prosesinə öz töhfəsini verməlidir və regionun gələcək inkişafında mühüm rol oynayacaq yüksəkixtisaslı mütəxəssislər yetişdirməlidir. Təbii ki, bu hədəflərə çatmağın əsas yollarından biri də faydalı tərəfdaşlıqlar yaratmaqdır. Bu tərəfdaşlıqların universitetin mövcud imkanlarını daha da artıracağı qənaətindəyik”.
Tahirə AĞAMİRZƏ
