19.11.2025, 14:50 256
- ATƏT Parlament Assambleyasının İstanbulda keçirilən iclasında Ermənistan parlamentinin Xarici Əlaqələr Komitəsinin sədri, Baş nazir Nikol Paşinyanın “Vətəndaş Müqaviləsi” partiyasının üzvü Sarkis Xandanyan Türkiyə ilə münasibətlərin yaxşılaşması istiqamətində irəliləyişlərin olduğunu bildirib.
Ermənistan mətbuatının yaydığı məlumata görə, Xandanyan çıxışında yaxın zamanda Türkiyə-Ermənistan sərhədinin açılacağına dair nikbinliyini ifadə edib:
“Ermənistanla Türkiyə arasında münasibətlərin normallaşması prosesinin tezliklə müsbət nəticələr verəcəyinə inanırıq”, – deyə o qeyd edib.
Komitə sədri, hazırda aparılan konstruktiv və fəal siyasi dialoqun iki ölkə arasında münasibətlərin institutlaşmasına, sərhədlərin açılmasına və daha geniş əməkdaşlığa səbəb olacağına ümid etdiyini vurğulayıb.
Sarkis Xandanyan, həmçinin Ermənistanla Azərbaycan arasında artıq sülhün bərqərar olduğunu bəyan edib.
Tahirə AĞAMİRZƏ
