06.03.2025, 16:08 226
- Hay parlamentinin "Hayastan" fraksiyasının üzvü Ağvan Vartanyan bu gün brifinqdə baş nazir Nikol Paşinyanın ünvanına həmişəkindən daha çox ittiham səsləndirib. O, deyib ki, 2015-ci ildəki referendumdan sonra Hayastan parlamentli dövlətdir və 2018-ci ildə Nikol Paşinyan çevriliş nəticəsində hakimiyyəti ələ alsa da qanunlar strukturu baxımından ölkə yenə də parlamentlidir.
Amma Nikol özünü elə aparır ki, elə bil hakimiyyətə irsən yiyələnib. O, vaxtilə deyirdi ki, oğlumu girov edərəm, təki Bakı hay əsirləri azad etsin. İndi isə heç onlarla maraqlanmır da. Yeri gələndə isə deyir ki, məni xalq seçib və xalqın mənafeyini qoruyuram.
Robert Koçaryanın bu yaxınlardakı mətbuat konfransından sonra daha da fəallaşan bu revanşçı deputat əlavə edib ki, Paşinyan Bakının bütün tələblərinə əməl etməklə heç vaxt vəzifəsindən öz istəyi ilə istefa verməyəcək.
N.Qaramanlı
