06.11.2025, 16:48 220
- Qeyd edək ki, Dövlət Məşğulluq Agentliyi Böyük Qayıdış proqramı çərçivəsində həm işəgötürənlər, həm işsiz və işaxtaran şəxslərlə bağlı mütəmadi işlər görürür. Eyni zamanda torpaqlarımız işğaldan azad edildikdən sonra Böyük qayıdış proqramı çərçivəsində işğaldan azad olunmuş ərazilərimizə yenidən qayıdan vətəndaşlarımızın işlə və aktivlərlə təmin edilməsi üçün bütün imkanlarından istifadə edir.
Böyük Qayıdış proqramı çərçivəsində Cəbrayıl rayonuna köç etmiş vətəndaşların məşğulluq imkanlarının artırılması istiqamətində işlərin davam etdirilməsi də bunun əyani sübutudur.
Belə ki, doğma yurduna qayıdan sakinlər özünüməşğulluq proqramına cəlb olunaraq müxtəlif istiqamətlər üzrə aktivlərlə təmin edilirlər.
Proqram sayəsində onlar həm dayanıqlı gəlir mənbəyi formalaşdırır, həm də regionun sosial-iqtisadi inkişafına dəstək olurlar.
Aktivlərlə təmin olunmuş Cəbrayıl rayon sakini, İlham Həmidov:
-Birinci Qarabağ müharibəsi veteranıyam. Allaha çox şükürlər olsun ki, biz öz doğma yurdlarımıza qayıtdıq. Bura gələndən sonra mən Dövlət Məşğulluq Agentliyinə müraciət etdim. Agentlik qısa müddətdə məni təlimlərə cəlb elədi. Təlimlər uğurla başa çatdı. Sonra bizi qısa müddətdə avadanlıqla təmin etdilər. Bu avadanlıqla işimi qurub, yaşamağa davam edəcəyəm. Allah dövlətimizdən, bizdən köməyini əsirgəməyən Dövlət Məşğulluq Agentliyinin əməkdaşlarından razı olsun ki, qısa müddətdə məni avadanlıqla təmin etdilər.
Aktivlərlə təmin olunmuş Cəbrayıl rayon sakini, Qiymət Rüstəmova:
-Cəbrayıl işğal olunanda mənim 11 yaşım vardı. Yenidən bura qaytmışıq. İşğaldan əvvəl Cəbrayılda yaşadığımız vaxtlarda atam Çörək Zavodunun direktoru idi. Atam dünyadan köçməzdən öncə vəsiyyət etdi ki, doğma yurdda yenə öz işinizi qurarsınız. Biz çalışırıq ki, onun vəsiyyətini yerinə yetirək. Mən o baxımdan Məşğulluğa müraciəöt etdim. Bu gün şükür Allaha ki, avadanlığımız gəlib və vəsiyyətin ilk addımlarını atdım. Mən qürur duyuram ki, Cəbrayılda atamın vəsiyyətini yerinə yertirirəm.
Tahirə AĞAMİRZƏ
