28.08.2025, 09:47 212
- Böyük Qayıdış proqramı çərçivəsində Laçına köç etmiş vətəndaşların məşğulluq imkanlarının artırılması istiqamətində işlər davam etdirilir.
Doğma yurduna qayıdan sakinlər özünüməşğulluq proqramına cəlb olunaraq müxtəlif istiqamətlər üzrə aktivlərlə təmin edilirlər.
Proqram sayəsində onlar həm dayanıqlı gəlir mənbəyi formalaşdırır, həm də regionun sosial-iqtisadi inkişafına dəstək olurlar.
Aktivlərlə təmin olunan Laçın sakini, Valeh Cəfərov:
-2024-cü ilin iyun ayından bura köçmüşəm. Köçəndən sonra Dövlət Məşğulluq Agentliyinə müraciət elədim. Müraciətimi qəbul edib kursa dəvət etdilər. 3 ay kurs keçəndən sonra imtahan götürdülər və qəbul etdilər. İndi də 20 yeşik arı ailəsi ilə təmin ediblər. Allah dövlətimizə qüvvət, qüdrət versin.
Aktivlərlə təmin olunan Laçın sakini, Zaur Hüseynov:
-Mən bura qayıdandan sonra arıçılıqla məşğul olmaq üçün Dövlət Məşğulluq Agentliyinə müraciət elədim. Qeydiyyatdan keçdim. Təlimlərdə iştirak elədim. Biliyimi daha da artırdım. Hal-hazırda isə mənə 20 arı ailəsi verdilər. Çalışacağam ki, arı ailəsinin sayını daha da artırım.
Tahirə AĞAMİRZƏ
