08.10.2025, 10:58 383
- Bakı Uşaq və Gənclər Teatrı qələbəmizin 5 illiyinə həsr olunmuş “Addım-Addım Vətəndə” adlanan yeni layihə həyata keçirir. Belə ki, layihə çərçivəsində kollektiv ayda bir gün Azərbaycanın müxtəlif bölgələrində fəaliyyət göstərən teatr kollektivləri ilə tamaşa və tədbirlər keçirməyə başlayıb.
Layihənin əsas məqsədi gənclərdə vətənpərvərlik ruhunun yüksəldilməsi, Bakı Uşaq və Gənclər Teatrının bölgə teatrları ilə arasındakı əməkdaşlığı gücləndirmək, regionların mədəni inkişafına dəstək vermək, bölgə tamaşaçıları ilə birbaşa ünsiyyətdə olmaqdan ibarətdir.
Sözügedən layihə 30 sentyabr 2025-ci il tarixində ilk olaraq Lənkəran Dövlət Dram Teatrı ilə birgə həyata keçirilib və tamaşaçılar tərəfindən maraqla qarşılanıb.
Qeyd edək ki, layihəyə teatr ilinin sonunda Bakı şəhərində bölgə teatrlarının iştirakı ilə festivalla yekun vurulacaq. Bu barədə məlumatı teatrın ədəbi hissə rəhbəri Leyla Həşimova “Ədəbiyyat və incəsənət” portalında paylaşıb.
Mina RƏŞİD
