26.08.2024, 17:38 228
- Çox qəribə hisslər keçiririk. Bir tərəfimiz nisgilli ikən, digər tərəfimiz qürurludur. Kədərliyik, ona görə ki, şəhidlərimiz var. Xoşbəxtik, çünki torpaqlarımızı geri qaytarmışıq.
Bu sözləri Laçının İmamlar kəndinin sakini, “Laçın yurdu” jurnalının təsisçisi və baş redaktoru Arif Məmmədli deyib.
“Laçın Şəhəri Günlərinin keçirilməsi ilə biz sanki təsəlli tapmışıq. Bu ab-hava, təmtəraqlı bayram tədbirləri insanda qürur hissi yaradır”, - deyə o qeyd edib.
Tədbirlərin yüksək səviyyədə təşkil olunduğunu bildirən A.Məmmədli deyib: “Biz Laçın şəhərinin salınmasının 100 illiyinə həsr olunan möhtəşəm tədbir keçiririk. Laçında kəndlər yenidən qurulur. Ən böyük arzumuz doğma Laçının daimi sakini olmaqdır”. (AZƏRTAC)
