02.02.2024, 16:08 324
- "Hraparak" xəbər verir ki, dövlət gəlirləri komitəsinin cənub gömrük idarəsi İrandan Ermənistana qanunsuz tütün məmulatlarının gətirilməsinin qarşısını almaq üçün öz nəzarət fəaliyyətini gücləndirib və 2024-cü ilin yanvarında bir neçə qaçaqmalçılıq faktı aşkar edilib.
Belə ki, yanvarın 15-də 2500, 21-də isə 1900 qutu siqaretin qaçaqmalçılıq yolu ilə ölkəyə gətirilməsinin qarşısı alınıb. 2023-cü ildə isə belə hallar daha çox olub. İrandan Ermənistana həm də narkotik vasitələrin daşınması barədə bir neçə fakt olduğunu yazan agentlik onu da əlavə edib ki, narkotik vasitələrin gətirilərək xüsusilə gənclər arasında yayılmasına görə ötən ilin yanvarında onlarla erməni və iranlı aşkar edilərək müxtəlif müddətə həbs edilsələr də İrandan Ermənistana narkotik vasitələrin gətirilməsinin qarşısı tam alınmayıb.
Əlavə edək ki, heç alınmayacaq da!
Nəsib Qaramanlı
