08.05.2024, 17:40 206
Dəyərli millətin dəyərli oğlu,
Son qoydu zülmətə Heydər Əliyev
***
Vətənin ləzzətin dadın dünyada
Anadır müqəddəs qadın dünyada.
Ucaltdın dövlətin adın dünyada,
Örnəkdir millətə Heydər Əliyev.
***
Adının mənası titrəddi dağı,
Hər zaman göz üstə qoydu bayrağı.
Düşmənlər tarimar qoyan torpağı,
Döndərdi cənnətə Heydər Əliyev.
***
Fəxr edir adınla gələn nəsillər,
Şəninə gül açır bütün fəsillər.
Ötsə də min illər, ötsə yüz illər,
Layiqdir rəhmətə Heydər Əliyev.
***
Bu haqda çox şey var, yadımda qalan,
O gəldi düşmənə vermədi aman.
Cahanda ən uca, ən yüksək olan,
Layiqdir şöhrətə Heydər Əliyev.
***
O zərdir, zərgərin yanında duran,
Millətdir Öndərin yanında duran.
Səngərdə əsgərin yanında duran,
Qol qoydu vəhdətə Heydər Əliyev.
Faiq ŞUŞALI,
Şuşa şəhərindən məcburi köçkün,
Bakı, Qaradağ rayonu, “Qobu park” yaşayış kompleksi.
