• “Bu gün Ermənistanda sanki bütün sular durulub, sanki hakimiyyət uğrunda amansız mübarizə gedir. Mən bu hadisələri 2018-ci ildə Nikol Paşinyanın hazırkı baş nazir kimi hakimiyyətə gəldiyi dövrlə müqayisə edərdim. O zamanlar Nikol Paşinyan hakimiyyyət uğrunda mübarizə aparan indiki müxalifətin yerində idi. O zamanlar baş verən proseslər hansı şəkildə gedirdisə, Nikol Paşinyanın hakimiyyətə gəlməsi üçün hansı amansız mübarizədən keçməli olduğu məqamlar var idisə indi də eyni ilə proseslər onu diktə edir”.

Bu fikirləri ARB24-ə açıqlamasında siyasi şərhçi Xəyal Bəşirov Ermənistan parlamentində baş verən proseslərə münasibət bildirərkən deyib.

Politoloq bildirib ki, N.Paşinyan çox gözəl anlayır ki,  bu dönəm, yəni hazırkı mərhələdə baş verən bu proseslərdən Ermənistanda keçiriləcək növbəti  parlament seçkiləri yəni gələn ilin iyul ayı,  təxminən  11 aylıq bir müddət ərzində N.Paşinyanın son şanslarıdır ki, o hakimiyyətini bərkitsin və yenidən  palament seçkilərində qalbi gəlsin: “Təbii ki, bu heç də asan olmayacaq, indiki hadisələr də onu göstərir. Eyni zamanda müxalifət də çox gözəl anlayır ki, onların da son şansıdır. Ermənistanda baş verən bu proseslər əgər hazırkı müxalifətin, söhbət o müxalifətdən gedir ki, adı “müqəddəs mübarizə” ola bilər və s. o hakimiyyət uğrunda mübarizənin pərdə önündə olan səhnəsidir. Pərdə arxasında hansı amansız mübarizə gedir, təbii ki, onları göstərmirlər. Onların göstərilməməsinin əsas səbəbi odur ki,  N.Paşinyan bu prosesləri çox konfidensal şəraitdə həyata keçirir və  addım atmaq məqamı gələndə hansısa bir addım atır, hansısa keçmiş məmuru cəzalandırır, həbsə atır. Elə o kilsəyə hücumun təşkil edilməsi də sadə bir proses deyildi və ya əhəmiyyətsiz proses deyildi. Düşünürəm ki, getdikcə bu xuatik proseslər geniş vüssət alacaq Ermənistan daxilində və Ermənistanda hakimiyyət uğrunda mübarizənin gələn ilin əvvəllərində daha da yüksək fazaya keçdiyinin şahidi olacayıq. Bu mübarizədə iştirak edən müxalifətçilər çox gözəl anlayırlar ki, N.Paşinyan bu dəfə qalib gəlsə, artıq nəinki onları, ümumiyyətlə, Rusiyanın Ermənistandakı bütün izlərini silib-süpürəcək”.

Tahirə AĞAMİRZƏ