22.11.2024, 16:27 115
- Zəngilan rayon İcra hakimiyyəti, Yeni Azərbaycan Partiyası (YAP) Zəngilan rayon təşkilatı və Şərqi Zəngəzur Regional Gənclər və İdman İdarəsinin birgə təşkilatçılığı ilə YAP-nın 32-ci ildönümü münasibətilə Nə? Harada? Nə Zaman? intellektual yarışı keçirilib.
İlk olaraq rayon icra hakimiyyətinin foyesində Ulu Öndər Heydər Əliyevin büstü önünə gül dəstələri qoyuldu.
Tədbir Ulu Öndər Heydər Əliyevin və canlarını Azərbaycan Respublikasının ərazi bütövlüyü yolunda qurban vermiş şəhidlərin əziz xatirəsinin bir dəqiqəlik sükutla yad edilməsindən sonra açıq elan edildi, Dövlət Himni səsləndirildi.
Tədbirdə Zəngilan Rayon İcra Hakimiyyətinin başçının müavini İctimai-siyasi humanitar məsələlər şöbəsinin müdiri Nizami Mönsümov, YAP Zəngilan rayon təşkilatının sədri Natiq Quluzadə, Şərqi Zəngəzur Regional Gənclər və İdman idarəsinin rəisi Natiq Abbasov, Zəngilan rayonu üzrə təhsil sektorunun müdiri Kənan İmaməliyev iştirak etdi.
Giriş nitqi ilə çıxış edən YAP Zəngilan rayon təşkilatının sədri Natiq Quluzadə yarışın əhəmiyyətini vurğulayaraq, yarışın əsas məqsədi YAP-ın yaranmasının dəyərinin gənclərə anlatmaq, gənclərin bilik və bacarıqlarını inkişaf etdirmək, onların intellektual potensialını üzə çıxarmaq və gənclərin bu cür tədbirlərdə fəal iştirak etməsinin vacibliyini qeyd etmişdir.
Zəngilan rayon Mədəniyyət Evində keçirilən tədbirdə 12 komanda iştirak edib. Yarışmada iştirakçılara 2 tur boyunca Ulu Öndər Heydər Əliyevin həyat və fəaliyyəti, YAP-ın yaranma tarixi, fəaliyyəti, 44 Günlük Zəfər tarixi, ümumi dünyagörüş və ekoloji mövzulara aid müxtəlif çətinlikdə suallar verilib.
Nəticə etibarilə, yarışda qalibiyyəti “Xarıbülbül” komandası qazanıb, “Həkəri” komandası 2-ci, “Vətən” komandası isə 3-cü yerləri tutublar. Qalib komandalar kubokla, müvafiq diplomlarla təltif olunub, yarışda iştirak etmiş digər komandalara da Təşəkkürnamələr verilib.
Həmçinin rayonun ictimai-siyasi həyatında fərqlənən bir qrup partiya fəalına Fəxri Fərmanlar təqdim olundu.
Sonda YAP-nın himni səsləndirilib.
Hazırladı: Mina RƏŞİD
