29.09.2023, 16:43 209
- Azərbaycan Ordusunun keçirdiyi lokal antiterror tədbirləri zamanı şəhid olan Səbuhi Əliyevin şəhadətindən 6 gün sonra əkiz övladları dünyaya gəlib.
Şəhidimizin əkiz övladları Nərgiz və Nazlının zəruri xərcləri "YAŞAT" Fondu tərəfindən qarşılanıb. Fondun məlumatına görə, bu məqsədlə 2000 AZN vəsait ananın hesabına köçürülüb. Körpələrin adına isə depozit hesabları açılacaq və ümumilikdə 10 000 AZN vəsait onların hesabına yerləşdiriləcək. Şəhidin övladları bu vəsaiti üzərinə mütəmadi toplanan faizləri ilə birlikdə 18 yaşına çatdıqdan sonra hesablarından çıxara biləcəklər.
Məlumat üçün bildirək ki, şəhid Səbuhi Əliyev Vətən müharibəsində göstərdiyi şücaətə görə “Cəsur döyüşçü” medalı ilə təltif edilib.
Şəhidimizin yeni doğulan körpələrdən əlavə daha iki övladı da Vətənə əmanətdir.
Mina RƏŞİD
