04.09.2023, 19:31 288
Salmanov Oruc İsbəndiyar oğlu 14 fevral 1993-cü ildə Naxçıvan MR, Şərur rayonunun Maxta kəndində anadan olmuşdur. Orta təhsilini doğma kəndlərindəki tam orta məktəbdə almışdır. Sonra həqiqi hərbi xidmətə çağırılmış, Xüsusi Təyinatlı Qüvvələrdə xidmət etmişdir. O, hərbi xidmətdən sonra MAHHXHQ kimi müddətdən artıq xidmət etmişdir. Vətən müharibəsində kiçik çavuş kimi Füzuli, Hadrut, Şuşa, Cəbrayıl uğrunda qəhrəmanlıqla vuruşmuşdur. Göstərdiyi igidliklərə görə Azərbaycan Respublikasının Prezidenti cənab İlham Əliyevin sərəncamı ilə ona "Füzulinin azad olunmasına görə", "Şuşanın azad olunmasına görə", "Xocavəndin azad olunmasına görə", "Döyüşdə fərqlənməyə görə", "Şücaətə görə", "Vətən müharibəsi iştirakçısı" medalları verilmişdir. Qazimiz Şuşada 7 noyabr 2020-ci ildə yaralanıb, I qrup əlildir. Hazırda Azərbaycan Respublikası Müdafiə Nazirliyində işləyir.
İsa Musayev
