24.04.2023, 16:40 165
- Heydər Əliyev geniş təfəkkürə malik insan, əsl dövlət xadimi idi.
1980-cı illərdə Sov.İKP Xabarovsk diyar komitəsinin birinci katibi Aleksey Çernovun köməkçisi vəzifəsində çalışmış Yuri Nikişov Dahi Lideri bu sözlərlə xarakterizə edib.
Y.Nikişov xatırlayır: “1984-cü ildə Heydər Əliyev Baykal-Amur magistralında tikintinin gedişi ilə tanış olmaq məqsədilə Uzaq Şərqə səfər etdi. Həmin dövrdə Komsomolsk-na-Amurda hərbi təyinatlı iki zavodun təməli qoyulurdu. Heydər Əliyev partiya-sovet işçiləri ilə birlikdə bu zavodların təməlqoyma mərasimində də iştirak etdi”.
Həmsöhbətimiz qeyd edib ki, hələ ötən əsrin 80-ci illərində Heydər Əliyev Baykal-Amur magistralının əhəmiyyətini yüksək qiymətləndirir və onun perspektivlərini görürdü: “Heydər Əliyev geniş təfəkkürə malik insan, əsl dövlət xadimi idi. O, tikintinin templərini, ayrı-ayrı məsələlərin incəliklərinə qədər mütəxəssislərin nəyə qadir olduğunu dəqiq qiymətləndirirdi. Heydər Əliyev Baykal-Amur magistralının perspektivini təsəvvür edərək, onun inkişaf edəcəyini bilirdi. İndi, artıq üzərindən çoxlu illər keçdikdən sonra ikinci yolun salınması üzrə işlərə başlanılıb. Heydər Əliyev perspektivdə məhz bu hədəfləri görürdü”. (AZƏRTAC)
