26.11.2025, 09:37 283
- Türkiyənin Diyarbəkir vilayətinin Sur rayonundakı Müqəddəs Sərkis erməni kilsəsi təmir olunur.
"Vətən səsi" xəbər verir ki, Türkiyə mətbuatının yaydığı məlumata görə, təxminən 500 illik tarixi olan kilsədə təmir işlərinə 2024-cü ildə başlanılıb. Bu, Diyarbəkirdə təmir edilən ikinci erməni kilsəsidir. Birincisi Kirakos kilsəsi olub. Müqəddəs Sərkis kilsəsinin təmiri isə Türkiyənin dövlət siyasəti və mədəni abidələrin qorunmasına həssas münasibətinin göstərcisi hesab olunur. Kilsənin təmiri layihəsi Türkiyənin Mədəniyyət və Turizm Nazirliyi tərəfindən təsdiqləndikdən sonra təmir işlərinə start verilib. Layihənin icra planına abadlıq və bərpa işləri ilə yanaşı emalatxanaların, konfrans zallarının və sərgi zalının tikintisi də daxildir.
Türkiyə mətbuatı yazır ki, kilsənin təmiri 60 milyon lirəyə, yəni təxminən 1,4 milyon dollara başa gələcək.
Xatırladaq ki, Ermənistan hökuməti də bu yaxınlarda İrəvandakı “Qırmızı körpü” abidəsini təmir etdirməklə analoji addım tarixi mədəniyyət nümunələri ilə bağlı nalaji addım atmışdı. Türkiyədən fərqli olaraq Ermənistan “Qırmızı körpü” abidəsini özünün dövlət büdcəsi hesabına deyil, Avropa İttifaqı ilə əməkdaşlıq çərçivəsində həyata keçirilən "Avropa İrs Günləri" proqramı çərçivəsində təmir etdirib. Zəngi çayı üzərində yerləşən və X-XIII əsrlərə aid körpüdə təmir xərclərinin bir hissəsi Avropada yaşayan Yuri Afrikyan adlı erməni tərəfindən ödənilib.
Elxan SALAHOV
