18.12.2024, 17:37 124
- "Hraparak"ın verdiyi xəbərə görə, baş nazir Nikol Paşinyanın əleyhdarları çoxaldıqca onun və həyat yoldaşı Anna Hakopyanın da mühafizəçilərinin sayı artırılır. Əlavə olunub ki, bu gün Gümrüdəki universitetin 90 illiyi ilə bağlı keçirilən tədbirə dəvət olunmuş 700 nəfərin hamısı binanın girişində İrəvandan gətirilmiş qırmızı beretli mühafizə əməkdaşları tərəfindən xüsusi cihazlar vasitəsi ilə yoxlanıldıqdan sonra içəri buraxılıb.
Mətbu qurum Paşinyanın ətrafındakı etibarlı mənbəyə istinadən əlavə edib ki, baş nazir əvvəllər Gümrüyə gedəndə Xaçatur Sukiasyana məxsus "Viktoriya plaza"da gecələyirdisə bu dəfə təhlükəsizlik baxımdan daha etibarlı hesab edilən, "Şiraz plaza"da gecələyəcəkdir. Həmin otel isə hazırda müxalifətdə olan sabiq deputat Arman Sahakyana məxsusdur. Jurnalist araşdırmalarına görə,A.Sahakyan müxalifətdə təmsil olunsa da Gümrü bələdiyyəsinin rəhbəri vəzifəsini müvəqqəti icra edən Sarik Minasyanın həm yaxın dostu, həm də onun müxalifətdəki xəbərçisidir.
N.Qaramanlı
