11.03.2024, 15:31 259
Ermənistan parlamentinin Regional və Avrasiyaya inteqrasiya məsələləri komissiyasının bu gün keçirilən növbəti iclasında müxalif "Hayastan" fraksiyasının üzvü Aqnesa Xamoyan sözügedən komissiyanın sədr müavini Vağarşak Hakopyandan soruşub ki, RF prezidenti V.Putin cəsarət edib Ermənistana gələrsə, Roma statutuna uyğun olaraq həbs ediləcəkmi? V.Hakopyan bildirib ki, bu sualla bağlı iqtidar dəfələrlə münasibət açıqlayıb. Amma burada nüanslar da var. İrəvanda hansısa beynəlxalq əhəmiyyətli tədbirdə Putinin iştirakı və gəlişi dəqiqləşəcək, məsələyə konkret münasibət açıqlanacaq. Erməni deputatının bu sözlərindən belə çıxır ki, əgər Putin İrəvana gələrsə, həbs edilməyəcək. Bu isə ermənilərin beynəlxalq səviyyədə götürdüyü öhdəliyi yerinə yetirməyə cəsarəti çatmadığını açıq-aşkar sübut edir. Yerigəlmişkən, ermənilər 4 beynəlxalq qətnaməyə də əməl etməyərək silahlı qüvvələrini Qarabağdan çıxartmaq istəmirdilər. Başlarına dəmir yumruq vurulduqdan sonra isə dovşansayağı qaçdılar.
N.Qaramanlı
