11.01.2023, 18:00 427
- Zəngəzur mahalının Meğri rayonunun qədim kəndlərindən biri də Maralzəmi kəndidir.
Maralzəmi rayon mərkəzindən 12 km şimal-qərbdə, Meğri çayının sol sahilində yerləşir.
Toponim maral heyvan adı ilə fars dilində «əkin yeri, tarla» mənasında işlənən zəmi sözünün birləşməsindən əmələ gəlmişdir. Zootoponimdir. Quruluşca mürəkkəb toponimdir.
Kənddə 1831-ci ildə 18 nəfər, 1873 - cü ildə 123 nəfər, 1886-cı ildə 174 nəfər, 1897-ci ildə 193 nəfər, 1904-cü ildə 951 nəfər azərbaycanlılar yaşamışdır.
1918-ci ildə kənd erməni təcavüzünə məruz qalaraq sakinləri qırğınlarla deportasiya olunmuş və kəndə ermənilər yerləşdirilmişdir. İndiki Ermənistanda sovet hökuməti qurulandan sonra kənddən qovulmuş azərbaycanlılar tarixi-etnik torpaqlarına qayıda bilmişdir.
Onlar kəndə döndükdən sonra ermənilər azərbaycanlıların tarixi torpaqlarından çıxmışdır. Burada 1922-ci ildə 28 nəfər, 1926-cı ildə 72 nəfər, 1931-ci ildə 98 nəfər, 1987-ci ildə 800 nəfər yalnız azərbaycanlılar yaşamışdır.
1988-ci ilin noyabr ayında azərbaycanlılar Ermənistan tərəfindən tarixi-etnik torpaqlarından deportasiya olunmuşdur. Hazırda orda ermənilər yaşayır.
Hazırladı: Tahirə AĞAMİRZƏ
