16.08.2024, 15:29 367
- Bu haylarda nə adətdisə biri sevinəndə mini yasa batıb elə sözlər uydurur ki, ərəblərə, farslara şükür deyirsən. Adı Hasmik, yəni Sümbül, soyadı Babacanyan, yəni Babacanın nəticəsi olan bir jurnalist bu gün "obeddə" nə yeyibsə Nikol Paşinyanın və onun Annasının rəqs etdikləri şəkli görən kimi cin atına minib. Tez də cumub kompüterə, onların haqqında bir yazı yazıb və Armine Ohanyana verib. Armine də Tahirə xanım demiş, bunun təpəsinə kül töküb, gör hələ bir nə qələt edir, utanmır oynayır. Şuşada da belə süzürdü, axırı nə oldu? İndi orda vaxtilə evlərindən qovduğumuz Rəqsanə, Röya elə süzür, elə oynayır, elə oxuyurlar ki, elə bil Zeynəb Xanlarovadan dərs alıblar” – deyib.
Bəs, bu Sümbül, hayca Hasmik nə yazıbmış ki, baş redaktorunun həm acığına, həm də xoşuna gəlib. Elə baxanda heç nə, yəni yazıb ki, Nikol Paşinyan "otpuskada" hara gedibsə Annası ilə gedib, Annası ilə velosiped sürüb, Annası ilə toy olan yerə çatanda isə deyib ki, düşək bir az oynayaq. Oynayıb da, toydakılarla bir "rumka" içib də. Hasmik isə məqaləsində vay-şivən qoparır ki, bəs o baş nazirdir, niyə özünü çoban kimi aparır. Ən çox da ondan qorxur ki, bir azdan Nikolla Annasının oynadığı yer türklərin əlinə keçəcək və onların oynadıqları yerdə Röyayla Rəqsanə bir-iki mahnı oxuyub hərəsinə səkkiz min manat qonorar alacaqdır. Erməni ki erməni, başqa xəstəlikləri bir yana, başqasının şənliyinə ağlamaq, pulunu saymaq xəstəliyindən də sağala bilmirlər. Nəysə özləri bilərlər: sağalsınlar, ya yox. Amma gərək dillərini dinc qoysunlar, yoxsa bizim əsgərlər onlara elə toy tutarlar ki, ötən il sentyabrın 19-dakı bir günlük toy bu toyun yanında lap toya getməli olar. Onda Hasmik də oynayar, Armine də, özü də Nikolun Annası ilə birlikdə. Bax,onda, dünyada hamı deyər ki, oyna, gülüm, oyna.
Nəsib
