• Ermənistanın baş naziri Nikol Paşinyan Laçın-Xankəndi yolundakı vəziyyətlə bağlı beynəlxalq qurumları haraylayıb. Hökumətin dünən keçirilən iclasında baş nazir Qarabağa benəlxalq missiya göndərilməsini istəyib. Bunu  bölgədəki  humanitar böhranla əlaqələndirən Paşinyan Laçın-Xankəndi yolundakı aksiyaların gedişi barədə beynəlxalq məlumatların artırılması zərurətini və bu istiqamətdə birgə səylərin gücləndirilməsinə ehtiyac olduğunu bildirib.  Bunu da əlavə edib ki, Ermənistan  beynəlxalq ictimayyətdən dəhlizin açılması ilə əlaqədar daha əsaslı addımlar gözləyir. Belə bir məqamda Nikol Paşinyanın səsləndirdiyi fikirləri rəsmi İrəvanın 30 ilə yaxın müddət ərzindəki işğal siyasətinin məntiqi davamı adlandırmaq lap yerinə düşər.

Siyasi və Hüquqi Strateji Arasşdırmalar Mərkəzinin  rəhbəri Xəyal Bəşirov məsələyə münasibət bildirərkən deyib ki, Laçın dəhlizində elə bir ciddi problem yoxdur ki, ora hər hansı bir üçüncü tərəfin cəlbedilməsinə zərurət yaransın, ehtiyac olsun. Çünki bura Azərbaycanın suveren əraziləridir və suveren əraziləri çərçivəsində istənilən problemi Azərbaycan dövləti öz müvafiq qurumları vasitəsilə həll etmək iqtidarındadır və  gücündədir. Hesab edirəm ki, bu, həm də buna ciddi şəkildə mane olan 10 noyabr 2020-ci il tarixli bəyanatdır. Ondan sonra imzalanmış digər bəyanatlar, vəd edilmiş razılaşmalarda da, heç bir digər tərəfin regiona cəlb edilməsi ilə bağlı müddəa olmayıb. Buna Azərbaycan tərəfin, o cümlədən Ermənistanın özünün belə rəsmi yazılı şəkildə razılığı olmayıb. Belə bir razılığın olmadığına görə, heç bir müddəanın olmadığına görə hansısa bir tərəfin Laçın yolunda sanki ciddi bir problemin olması ilə bağlı gündəmi yaradaraq həmin o problemin həlli istiqamətində geriona cəlb edilməsi fikri  Ermənistanın münaqişənin mövcud olmasını uzatmağa çalışmaq istəyinə xidmət edən addımdır.

Məsələyə digər tərəfdən  yanaşdıqda isə beynəlxalq qurum və təşkilatların Azərbaycan ərazilərindəki  ekoloji terrora yanlış münasibətini görürük. Belə ki, dərc olunan məlumatlarda elə qələmə verilir ki,  sanki Laçın-Xankəndi yolu Azərbaycan tərəfindən  bağlanılıb. Dəhlizin bağlanması, ən çox humanitar böhranın yaradılması ilə bağlı  erməni tərəfinin sərsəm bəyanatları  heç şübhəsiz məkrdən, hiylədən və yalandan başqa bir şey deyil: “Ona görə bu kimi məkrli niyyətlərə xidmət edən missiyaların regiona cəlb edilməsinə Azərbycan heç vaxt razılıq verməyəcək, bu prosesə imkan verməyəcək. Bu da Nikol Pşinyanı özünü bir daha daxili ictimaiyyətə, o cümlədən dünya ictimaiyyətinə çatdırmaq istəyidir ki, Laçın-Xankəndi  yolu Azərbaycan tərəfindən humanitar problemlərin yaradılması məqsədilə bağlanılıb. Xankəndində olan erməni əsilli Azərbayan vətəndaşları mühasirə vəziyyətindədirlər və eyni zamanda üçüncü, döndüncü digər tərəflərin regiona cəlb edilməsi ilə bağlıdır.. Onsuz da 30 ilə yaxın  bir müddət ərzində qeyd etdiyimiz kimi, işğal prosesində də Ermənistanın siyasəti həmin o keçmiş münaqişəni beynəlmilləşdirmək prosesə üçüncü, dördüncü tərəfləri cəlb etmək olub, bu gün də həmin o siyasəti davam etdirməkdədirlər”, - deyə Xəyal Bəşirov bildirib.

X.Bəşirov daha sonra vurğulayıb ki, Paşinyan indi də Fransanı Laçın-Xankəndi yoluna  gətirməyə cəhd edir. Lakin heç  bir cəhdinin mənası yoxdur. Ermənilər bir dəfəlik başa düşməlidirlər ki,  post-münaqişə dövründə sülh və danışıqlar prosesi üçüncü, dördüncü tərəflərin iştirakı ilə deyil, Azərbaycan və Ermənistanın özünün  birgə səyləri nəticəsində həll edilə bilər. Buna sadəcə rəsmi İrəvanın  pozitiv və müsbət yanaşması lazımdır. Əks halda aydındır ki, Azərbaycan digər tərəflərin posesə  müdaxiləsinə imkan verməyəcək.

Hazırladı: Tahirə AĞAMİRZƏ