21.12.2022, 07:21 402
- İranın hökumətyönümlü “İr.diplomasi.ir” saytı Azərbaycanın ərazi bütövlüyünü şübhə altına alan qalmaqallı məqalə dərc edib. “Tehran Qarabağda daha aktiv olmalıdır” başlıqlı məqalədə vaxtilə Qarabağın işğalına haqq qazandırılaraq Xankəndində Azərbaycan Bayrağının dalğalanmasının birbaşa İranın maraqlarına zidd olduğu vurğulanıb.
Nəşr indi də Qarabağın İranın “qırmızı cizgisi” olduğunu qeyd edib.
Ekspert İlqar Vəlizadə bununla bağlı açıqlamasında bildirib: “Təəssüflər olsun ki, İranda hökmdarlıq edən siyasi qruplar, siyasi qüvvələr, bu ölkəyə rəhbərlik edən dairələr demək olar ki, süni şəkildə Azərbaycanla bu gərginlik və yaxud da münaqişəyə yaxın bir vəziyyət yaratmaqla daxili problemlərini çözmək niyyətindədirlər. Yəni daxili problemlərdən cəmiyyəti, cəmiyyətin reaksiyasını yayındırmaq niyyətindədirlər”.
Hazırladı: Tahirə AĞAMİRZƏ
