28.11.2025, 11:20 121
- Ermənistanın Kollektiv Təhlükəsizlik Müqaviləsi Təşkilatında (KTMT) qalması ilə bağlı mövzu regionda geosiyasi maraqlar fonunda yenidən aktuallaşıb. Məsələ ilə bağlı siyasi şərhçi Elxan Şahinoğlu bildirib ki, Ermənistanın baş naziri Nikol Paşinyan Azərbaycanla sülh sazişi imzalanana qədər KTMT-ni tərk etməyə risk etməyəcək.
Ekspertin fikrincə, əgər Paşinyan bu təşkilatdan ayrılmaq qərarı versə, bu, parlament seçkiləri öncəsi onun partiyası üçün Kremlin təzyiqlərinin artmasına səbəb ola bilər.
Bu səbəbdən Ermənistan rəhbərliyi son dövrlərdə KTMT ilə bağlı sərt və emosional açıqlamalardan çəkinir.
Elxan Şahinoğlunun sözlərinə görə, Ermənistan rəsmiləri təşkilatın tədbirlərinə qatılmasalar da, onun qərarlarının qəbuluna əngəl yaratmayacaqlarını bildirirlər: "Bu isə rəsmi İrəvanın KTMT-dən çıxmaq niyyətinin real deyil, daha çox daxili auditoriyaya hesablanmış görüntü xarakteri daşıdığını göstərir".
Tahirə AĞAMİRZƏ
