14.11.2025, 08:07 208
- Obamıza qayıdırıq, çox sevinirik. Bu, həqiqətən bizim üçün sevincli və gözəl gündür. Yurduna qayıdan hər kəsi təbrik edirəm. Gözləri aydın olsun. Hamı xeyirli-uğurlu yola çıxıb evlərinə sağ-salamat çatsın, evlərində xoş günlərlə yaşasınlar.
Bu sözləri Zəngilan rayonunun Ağalı kəndinə qayıdan Vəsilə Mirzəyeva deyib.
O bildirib ki, hələ uşaqlıq illərində yurdundan didərgin düşüb.
"Biz 30 il əvvəl məcburi köçkün düşdük. O vaxt mənim 15 yaşım var idi. İndi isə öz övladlarımla birlikdə geri qayıdıram", - deyə Ağalı sakini vurğulayıb.
V.Mirzəyeva, həmçinin belə bir şəraiti yaratdığına görə Prezident İlham Əliyevə təşəkkür edib, şəhidlərə Allahdan rəhmət, qazilərə cansağlığı arzulayıb. (AZƏRTAC)
