• Azərbaycanın 30 ilə yaxın işğal olmuş ərazilərində  düşmən ətraf mühitə, bioloji müxtəlifliyə, meşələrə, yeraltı və yerüstü təbii ehtiyatlara böyük ziyan vurmuşdur. Milli parklar da daxil olmaqla qorunun təbiət əraziləri Ermənistan silahlı qüvvələri  geniş miqyasda yanğınlara səbəb olan raket atəşlərinə belə tutuldu. Azərbaycanın qırmızı kitabına və beynəlxalq  təbiətin mühafizə ittifaqının qırmızı siyahısına daxil edilmiş nadir təbiət inciləri məhv edildi, flora və faunaya küllü miqdarda zərər dəydi.

Bütün bunlar düşmənin törətdiyi ekoloji terror ekologiya və ətraf mühitlə bağlı beynəlxalq konvensiyaların pozulması deməkdir. Ermənilər bizi Həkəri, Bərgüşad,  Zabux, Turqay,  Qarqarçay, Quruçay, Köndələnçay, Oxçuçaydan məhrum edərək onları vəhşicəsinə istismar etmişdir. Ermənilərin törətdiyi ekoloji terror cinayətləri Bəsitçay dövlət təbiət qoruğundan da yan keçməyib. Mənfur düşmən işğal müddətində qoruğun  meşəlik ərazisini demək olar ki,  məhv edib, ağacların kökünü, oduncağını yandırıb. Onlar Kəlbəcər və Laçın rayonlarında da müharibədən dərhal sonra da bu vəhşiiliyi etmişdilər. Onlara ərazilərimizdən çıxmaq üçün verilən möhlətdə yenə də bəd əməllərindən qalmamışdılar.  Ermənilərə məxsus olmayan evləri məhv eləmiş, ağacları kəsmiş, yandırmışdılar. Bəstiçayın əsas təbiət kompleksi sayılan 200 min illik tarixə malik çinar ağacları qəddarcasına  kökündən çıxarılaraq məişətdə istifadə edilib. Qubadlının mərkəzində yaşı 150-300 ilə çatan  şərq çinarları, iri diametrli çoxillik qoz ağacları məhv edilib. 1960-cı illərdə salənmış  sahəsi 2 hektar olan meşəpark  yerlə yeksan olunub. Murovdağ silsiləsi boyu, Ağdərə istiqamətində Talış, Gülüstan, Barambart meşə ərazisində  100 hektarla sahədə fıstıq, saqqız, göyüş, şam, palıd və digər  çoxillik ağaclar kəsilib və Ermənistana daşınıb. Ermənistanın ekoloji terror siyasəti nəticəsində Azərbaycan ərazisindən keçən  Araz çayının  43 kilometr hissəsində mikroflora və fauna məhv edilib.İşğaldan azad olunmuş Zəngilan rayonundakı Vejnəli, Kəlbəcər rayonundakı Söyüdlü  faydalı filiz yataqlarında Ermənistan tərəfindən qanunsuz olaraq qızıl çıxarılıb, təbii sərvətlərimiz mənimsənilib,  ətraf ərazilər çirklənməyə məruz qalıb.

İndi Qarabaq və Şərqi Zəngəzur iqtisadi rayonlarında məhsuldar torpaqlar minalardan təmizlənir, parklar, qoruqlar bərpa olunur. Çirklənmiş çaylar, göllər durulur. Bütün bunlar isə Qarabağın və Şərqi Zəngəzurun ekoloji həyatını daha da canlandıracaq və  zənginləşdirəcək.

Hazırladı: Tahirə AĞAMİRZƏ