19.12.2024, 10:51 108
- Azərbaycan Yazıçılar Birliyinin üzvü, Prezident mükafatçısı şair Namiq Dəlidağlının "Sevgi sükutu" adlı növbəti şeirlər kitabı Özbəkistanda nəşr edilib.
"Vətən səsi" xəbər verir ki, qardaş ölkənin “İste'dod Ziya Press” nəşriyyatında 500 nüsxə ilə çap edilən kitabın "Ön söz" müəllifi filologiya üzrə fəlsəfə doktoru Nargizaxon Ortiqova, redaktoru isə Azərbaycan Yazıçılar Birliyinin fəxri üzvü Muqimjon Nurboyevdir.
Şeirləri özbək türkcəsinə Özbəkistan Yazıçılar Birliyinin üzvü Xusniddin Xaitov uyğunlaşdırıb.
Qeyd edək ki, "Sevgi sükutu" müəllifin sayca dördüncü, ölkədən kənarda isə nəşr edilən ilk şeirlər kitabıdır. Əslən Kəlbəcər rayonundan olan Namiq Dəlidağlı həmçinin dörd publisistik toplunun həmmüəllifidir.
Elxan SALAHOV
