07.11.2024, 20:49 37
- Azərbaycanın zəngin mədəni və tarixi irsinin qorunması və tanıdılması məqsədi ilə “ASAN Könüllüləri” Təşkilatı tərəfindən həyata keçirilən layihə, Gənclər Fondunun maliyyə dəstəyi ilə həyata keçirilib. Layihənin əsas məqsədi, Qərbi Azərbaycan ərazisinin tarixi və onun mədəniyyətinin əhəmiyyətini vurğulamaq və bu irsin gələcək nəsillərə ötürülməsində Ümumilli Lider Heydər Əliyevin rolunu nümayiş etdirməkdir.
Tədbirdə həm tarixi faktlar təqdim edilmiş, həm də canlı müzakirələr və sərgilər vasitəsilə interaktiv bir mühit yaradılıb.
Bu tədbirdə Qərbi Azərbaycan İcmasının İdarə Heyətinin sədri, Milli Məclisin deputatı Əziz Ələkbərov və Azərbaycan Milli Elmlər Akademiyasının Qərbi Azərbaycan tarixi şöbəsinin müdiri, tarix üzrə fəlsəfə doktoru Cəbi Bəhramov iştirak edərək mövzunun elmi və praktik aspektləri ətrafında fikir mübadiləsi aparıb.
Sonda iştirakçılarla xatirə fotosu çəkilmişdir.
Tahirə AĞAMİRZƏ
