21.10.2024, 15:34 138
- Füzuli rayonunda “Yaşıl dünya naminə həmrəylik ili” çərçivəsində ağacəkmə aksiyasına start verilib. Aksiyada rayon rəhbərliyi, idarə, müəssisə və təşkilatların əmək kollektivlərinin üzvləri, könüllülər, ictimaiyyət nümayəndələri iştirak edirlər.
Aksiya çərçivəsində rayon ərazisində yerləşən magistral yolların kənarında və müxtəlif yaşayış məntəqələri ərazisində əsasən həmşəyaşıl ağac növləri olmaqla 1730 ədəd müxtəlif növ ağac əkilib. Yeni əkilmiş ağaclara lazımi aqrotexniki qulluq göstərilib.
Qeyd edək ki, “Yaşıl Dünya naminə həmrəylik ili” çərçivəsində payız mövsümündə rayon ərazisində yaşıllıqların artırılması, ümumilikdə 5000 ədəd ağac və kol bitkilərinin əkilməsi, həmçinin yaşıllıqlara qulluq və abadlıqla bağlı tədbirlərin davam etdirilməsi nəzərdə tutulur.
Hazırladı: Mina RƏŞİD
