18.02.2024, 20:29 253
- Göygöl Rayonunun Gənclər Mərkəzində İrəvan Rəqs Qrupunun Qərbi Azərbaycana Qayıdış şüarı altında konset proqramı təşkil olunub. Bu qrupun Göygöldəki ilk böyük çıxışıdı. Bir saat davam edən konsertdə kiçik rəqqasların nümayiş etdirdikləri milli və xarici rəqslərlə yanaşı xüsusilə "İrəvan yallısı" tamaşaçılar tərəfindən alqışlarla qarşılanıb.
Sonda rayon rəhbərliyi tərəfindən Qərbi Azərbaycana Qayıdışın önəmi və bu prosesə uşaqların böyük marağı iştirakçıkarın diqqətinə çatdırılıb.
"İrəvan" rəqs qrupunun məşqçisi, Zöhrə Cabbarova bildirib ki, biz Qərbi azərbaycanlı olaraq, yəni burda olan uşaqların çoxu Qərbi azərbaycanlıdı. Uşaqlara vətənpərvərlik hissini aşılamağa çalışdıq ki, onlar özlərində vətənpərvərlik hissini yaşatsınlar və bilsinlər ki, necə ki, 30 illik həsrətin sonuna 44 gündə son qoyduqsa, biz bir gün İrəvana da gedəciyimizi dərk eləsinlər. Çünki onlar hələ körpədir, onları biz vətənpərvərlik ruhunda böyütməliyik.
Hazırladı: Tahirə AĞAMİRZƏ
