13.12.2023, 14:10 232
- Cəbrayıl rayonunun tanınmış təhsil işçisi, Əməkdar müəllim Validə Həsənovanın bu günlərdə "Bir Tanrı sənəti" kitabının təqdimatı keçirilib. Mərasimdə alimlər, şairlər, jurnalistlər, bölgənin tanınmış müəllimləri və digər sənət adamları iştirak edib. Cəbrayıl təhsilinin dünən və bu günündən, həm də qədim keçmişindən bəhs edən kitab haqqında çıxış edənlər müəllifə şərəfli işində yeni yaradıcılıq uğurları arzulayıblar.
“Bir Tanrı sənəti” kitabına rəy yazmış türkoloq alim Minəxanım Təkləli bildirib ki, ömrünü gənc nəslin təlim-tərbiyəsi işinə həsr etmiş belə müəllimlərdən vaxtilə rayon təhsil şöbəsinə başçılıq etmiş Şirin Zeynalov, Əminə Əbilova, Məmi Bədirxanov, Nəriman Sadıqov, Fərhad Kərimov, İslam İsmayılov, Osman Vəliyev, Qamboy Əhmədov və başqalarının həyat və fəaliyyətləri ilə oxucu bu yeni nəşrdə tanış olur. Çox şübhəsiz, bu zəhmət adamları, elm-maarif fədailəri cəbrayıllıların yaxşı yadındadır.
Mina RƏŞİD
