09.08.2023, 15:29 211
- Zəngilan Rayon İcra Hakimiyyətinin başçısı Ramiz Həsənovun növbəti səyyar qəbulu Sumqayıt şəhəri, 4- cü mikrorayonda məskunlaşan zəngilanlı sakinlərlə keçirilib. Qəbulda Rayon İcra Hakimiyyətinin məsul əməkdaşları, rayonun şəhər, qəsəbə, kənd inzibati ərazi dairəsi üzrə nümayəndəlikləri, idarə, təşkilat rəhbərləri iştirak ediblər.
Görüşdə icra başçısı Prezident İlham Əliyevin ölkənin xarici siyasətində göstərdiyi qətiyyətli mövqeyindən, apardığı uğurlu siyasət nəticəsində respublikamızın qazandığı uğurlardan, əhalinin sosial problemlərinin həlli istiqamətində həyata keçirilən tədbirlərdən danışdı.
Səyyar qəbul zamanı çıxış edən sakinlər davamlı diqqət və qayğıya görə ölkə Prezidentinə minnətdarlıqlarını bildirdilər.
Daha sonra sakinlərin problemləri dinlənilib qeydiyyata alındı, bir qismi yerində öz həllini tapdı, araşdırılmasına ehtiyac olan bir sıra məsələlərin qanunvericiliyə uyğun, operativ həlli üçün aidiyyəti qurumların rəhbərlərinə tapşırıqlar verildi.
Hazırladı: Mina RƏŞİD
