07.07.2023, 17:20 314
- Bu gün Ağdam Rayon İcra Hakimiyyətinin başçısı Vaqif Həsənovun rayonun Evoğlu kəndində növbəti səyyar qəbul-görüşü keçirilib. Qəbuldan əvvəl RİH başçısı Birinci Qarabağ müharibəsi şəhidlərinin xatirəsinə inşa edilmiş abidə-bulaq kompleksini ziyarət edib, önünə gül dəstələri düzərək unudulmaz Vətən oğullarının ruhuna ehtiramını bildirib.
Səyyar görüşdə əhalini narahat edən problemlərin aradan qaldırılması üçün həyata keçirilən tədbirlərdən, infrastrukturun yaxşılaşdırılması istiqamətində görülən işlərdən danışılıb.
Vaqif Həsənov vətəndaşların qaldırdıqları məsələlərin bir hissəsini yerində həll edib, digər vacib məsələlərin həlli üçün müəyyən tapşırıqlar verərək həlli prosesini nəzarətə götürüb.
Görüşün sonunda qəbulda iştirak edən sakinlər onlara göstərilən diqqət və qayğıya görə ölkə Prezidenti cənab İlham Əliyevə və Birinci vitse-prezident Mehriban xanım Əliyevaya öz minnətdarlıqlarını bildiriblər.
Hazırladı: Mina RƏŞİD
