01.06.2023, 10:00 325
- Əvəz Elnur oğlu Məmmədov 2001-ci il iyunun 1-də Qazax rayonunun Bala Çaylı kəndində dünyaya gəlib. 2007-2018-ci illərdə S.Həsənov adına Bala Çaylı kənd tam orta məktəbində təhsil alıb. 2019-cu ildə müddətli həqiqi hərbi xidmətə çağırılıb.
Azərbaycan Silahlı Qüvvələrinin əsgəri olan Əvəz Məmmədov 2020-ci il sentyabrın 27-də başlanan Vətən müharibəsi zamanı Ağdam rayonunun azadlığı uğrunda gedən döyüşlərdə iştirak edib.
Ə.Məmmədov oktyabrın 7-də Ağdam istiqamətində gedən döyüşlər zamanı qəhrəmancasına şəhadətə ucalıb. Şəhidimiz Qazax rayonunun Bala Çaylı kəndində böyük izdiham və ehtiramla torpağa tapşırılıb.
Ölümündən sonra Prezident İlham Əliyevin sərəncamlarına əsasən "Vətən uğrunda", "Vətən müharibəsi iştirakçısı" və "Ağdamın azad olunması" medalları ilə təltif edilib.
Bu gün Vətən müharibəsi qəhrəmanlarından olan, Zəfər tarixini yazanlardan biri şəhid əsgər Əvəz Məmmədovun doğum günüdür.
Cənnətdəki doğum günün mübarək, məzarın nurla dolsun, Əvəz balamız!
Mina RƏŞİD
