30.04.2025, 11:16 149
- Cari ilin aprelin 1-nə olan məlumata görə, Qarabağ iqtisadi rayonundan banklara qoyulmuş əmanətlərin həcmi 107,1 milyon manat olub.
Bu barədə Azərbaycan Mərkəzi Bankından məlumat verilib.
Məlumata əsasən, bu göstərici bir ay əvvəlki göstərici ilə müqayisədə 15,4 milyon manat və ya 16,8%, 2024-cü ilin aprelin 1-nə olan göstəriciyə nisbətən isə 30,2 milyon manat və ya 39,3% çoxdur.
Eyni zamanda, 2025-ci ilin aprelin 1-nə Şərqi Zəngəzur iqtisadi rayonundan banklara qoyulmuş əmanətlərin həcmi 689 min manat olub ki, bu da, bir ay əvvəlki göstərici ilə müqayisədə 250 min manat, yaxud da 56,9% artım deməkdir.
Qeyd edək ki, bu ilin aprelin 1-nə Azərbaycanda regionlar üzrə cəlb olunmuş əmanətlər 15,1 milyard manat təşkil edib ki, bu da, əvvəlki ayla müqayisədə 238,1 milyon manat, yaxud da 1,6%, 2024-cü ilin aprelin 1-nə olan göstərici ilə ifadədə isə 1,9 milyard manat və ya 14,6% çoxdur. (Trend)
