10.06.2025, 17:04 127
- Bu il “PAŞA Bank”ın “Şuşa” filialı istifadəyə veriləcək.
Bunu “PAŞA Bank”ın İdarə Heyətinin sədri Cavid Quliyev bankın ötən ilin yekunları ilə bağlı keçirdiyi brifinqdə deyib.
“Bu il ərzində “Şuşa” filialı və Ağdam şəhərində nümayəndəliyimizi açmağı planlaşdırırıq", - deyə C.Quliyev qeyd edib.
Ötən ilin müştəri köçürmələrinə toxunan Cavid Quliyev bu əməliyyatların 15,8 faiz artaraq 113 milyard 944 milyon 625 min manat təşkil etdiyini vurğulayıb.
O bildirib ki, ötən il bankın kredit portfeli 18,2 faiz artaraq 3 milyard 360 milyon 976 min manata, fərdi sahibkarlara verilmiş kreditlər 28,5 faiz artaraq 103 milyon 316 min manata, o cümlədən hüquqi şəxslərə verilmiş kreditlər 15,3 faiz artaraq 2 milyard 899 milyon 671 min manata çatıb: ““PAŞA Bank” ötən ili 214 milyon 535 min manat xalis mənfəətlə başa vurub (-21 faiz)”. (AZƏRTAC)
