11.04.2026, 15:18 132
- "Sülh Körpüsü" təşəbbüsünün özəlliyi ondan ibarətdir ki, Azərbaycan və Ermənistanın vətəndaş cəmiyyətlərinin nümayəndələri vasitəçilər olmadan ünsiyyət qurmaq imkanına malikdirlər.
Bunu "Sülh Körpüsü" təşəbbüsünün koordinatoru, Cənubi Qafqaz Araşdırmalar Mərkəzinin direktoru Fərhad Məmmədov bu gün iki ölkənin vətəndaş cəmiyyətiləri nümayəndələrinin görüşünün yekunları üzrə keçirilən mətbuat konfransında bəyan edib.
Onun sözlərinə görə, bu, Azərbaycan və Ermənistan vətəndaş cəmiyyətləri nümayəndələrinin dördüncü görüşü olub.
"Bu təşəbbüs ötən il beş nəfərlə başladı, bu gün isə ona hər tərəfdən artıq 20 iştirakçı qoşulub. Bu gün iki saat ərzində Azərbaycan Prezidentinin köməkçisi - Prezident Administrasiyasının xarici siyasət məsələləri şöbəsinin müdiri Hikmət Hacıyev Ermənistan cəmiyyəti nümayəndələrinin suallarını cavablandırıb. Əvvəllər də QHT-lər arasında sülhün bərqərar olmasına yönəlmiş görüşlər keçirilirdi, lakin onlar vasitəçilərin iştirakı ilə baş tuturdu", - mərkəzin direktoru əlavə edib. (Report)
