01.10.2025, 17:34 115
- "Qlobal miqyasda Nikol Paşinyan hazırda Moskva üçün kifayət qədər sərfəlidir".
"Vətən səsi" xəbər verir ki, bunu erməni politoloq Arqişti Kiviryan NEWS.am-a müsahibəsində deyib. Onun fikrincə, Rusiyanın hazırda Ermənistandakı fəaliyyətini kəskin şəkildə aktivləşdirmək istəyi yoxdur: "Ermənistandakı fəaliyyətini kəskin şəkildə artırmaq üçün Rusiya bütün regionda fəaliyyətini artırmalıdır. Ermənistan regionda Rusiyadan ən uzaq ölkədir, onun ümumi sərhədi və logistikası yoxdur. Rusiya ilə müttəfiqlik öhdəliklərinin bir çoxu məhz bu səbəbdən yerinə yetirilmir. Ermənistana nə qədər silah göndərilə bilər? Bu problemlər 2008-ci ildən bəri davam edir. İndi də dəvəquşu kimi davrandılar. Rusiya hələ də Ukrayna ilə məşğul olduğundan Ermənistanda aparılan siyasət ona sərf edir. Paşinyan lazım olanda Moskvaya gedir və hətta Lukaşenkonun yanında oturur”.
Kiviryan onu da əlavə edib ki, Nikol Paşinyan heç kimə etibarlı tərəfdaş deyil. Onun sözlərinə görə, Ermənistanın Baş nazirini heç kim ciddi qəbul etmir: "Sadəcə olaraq, Moskvanın kəskin addımlar atmaq arzusu olmadığından, bu vəziyyət onun üçün məqbuldur, xüsusən də hazırda Ermənistanda hakimiyyəti dəyişmək üçün alətlər olmadığından".
Erməni politoloq Paşinyan hökumətinin anti-Rusiya bəyanatlarına da münasibət bildirib. O, qeyd edib ki, bu cür bəyanatlar Rusiya ilə onsuz da mürəkkəb olan münasibətləri daha da pisləşdirir: "Ruslar, əlbəttə ki, bu problemi görür; sadəcə olaraq, vəziyyəti ayıq-sayıq qiymətləndirirlər. Əgər bu gün onların əsas diqqəti Ukraynadırsa, o zaman başqa sahələrə can atmaq riskinə gedə bilməzlər, əks halda problemlə üzləşərlər".
Elxan SALAHOV
