24.11.2025, 13:10 216
- Qarabağ qalibiyyəti hamımızın Zəfəridir. Bu gün Türk Dövlətləri Təşkilatı Qarabağın azadlığından sonra Azərbaycanın rəhbərliyi ilə başlanan yeni dövrdə də fəal rol oynayır.
Bu sözləri açıqlamasında Şimali Kipr Türk Cümhuriyyəti Prezidentinin məsləhətçisi və “Denktaş Dərnəyi”nin rəhbəri Latif Akça bildirib.
O qeyd edib ki, bu gün onlar 10-a yaxın QHT və dövlətin vacib strukturları ilə birgə Türk Dövlətləri Təşkilatına üzv ölkələrin qeyri-hökumət təşkilatlarının həmrəylik forumunda iştirak edirlər: “Bu birlik digər 8 türk dövləti ilə birgə davam edəcək və biz böyük Türk birliyinin daimi üzvü olacağıq”.
Latif Akça bildirib ki, xüsusilə dil, din və ticarət sahələrində birliyin daha da güclənməsi gözlənilir. Onun sözlərinə görə, yeni dövrdə Türk Dövlətləri Təşkilatı fəaliyyətində sülh prinsipini əsas götürür. (AZƏRTAC)
