Ermənistan Baş naziri Nikol Paşinyan Voskeparda (Əskipara) yerli sakinlərə Azərbaycanla sülh, o cümlədən delimitasiya prosesindəki mövcud vəziyyəti təqdim edib.
"Vətən səsi" xəbər verir ki, bunu baş nazirin sözçüsü Nazeli Baqdasaryan deyib. Onun sözlərinə görə, Paşinyan Azərbaycanla sərhədlərin delimitasiyası, o cümlədən bölgədə baş verəcək dəyişikliklər və Qazaxın 4 kəndin qaytarılması ilə bağlı erməni sakinlərin suallarını cavablandırıb.
Xatırladaq ki, Nikol Paşinyan nir ay əvvəl, martın 18-də də Əskipara kəndində olub, sakinlərlə görüşüb. O, həmin görüşdə 4 kəndin Azərbaycana qaytarılacağı anonsunu vermişdi. Söhbət Qazax rayonunun Aşağı Əskipara, Xeyrimli, Qızılhacılı və Bağanıs Ayrım kəndlərindən gedir.
Elxan SALAHOV