21.02.2024, 16:18 266
- Dövlət büdcəsinə nəzərdə tutulmuş məbləğdə vəsait ödəyərək hərbi xidmətdə olmamaq üçün qanunun qəbulundan sonra xeyli erməni rahat nəfəs almağa başlayıb.
Məlum qanun layihəsinin müəlliflərindən olan "Vətəndaş müqaviləsi" fraksiyasının üzvü Hayk Sarkisyan “Hraparak"ın müxbiri ilə söhbətində belə qənaətə gəldiyini bildirib. O deyib ki, cari ildə onlarla vətəndaş dövlət büdcəsinə 15 milyon dram ödəyərək orduda xidmət etməmək hüququ əldə edib.
Jurnalistin "deməli, kasıblar həm də varlıların əvəzinə ölməlidir", - replikasına isə deputat "qanunda belədir"- deyə cavab verib.
Xatırladaq ki, ötən ilin sonlarında qəbul edilmiş bu qanun cəmiyyətdə ajiotaj yaratmışdı.
N.Qaramanlı
