06.07.2023, 10:30 337
- Ermənistanda 2022/2023-cü tədris ilində 12 məktəbdə türk dili, 4 məktəbdə isə Azərbaycan dili tədris olunub.
“Vətən səsi” xəbər verir ki, bu barədə Ermənistanın Təhsil Nazirliyi m’lumat yayıb. Bildirir ki, hazırda Azərbaycan və türk dilləri yalnız 10-12-ci sinif şagirdlərinə öyrədilir.
Ümumilikdə 2022/2023-cü tədris ilində Ermənistandakı 33 ümumtəhsil müəssisəsində regional dillər öyrədilib: 13 məktəbdə farsca, 12-də türk dili, 4 məktəbdə Azərbaycan türkcəsi, 3-də isə gürcü dili. Daha 400 məktəbdə isə regional (türk, Azərbaycan, gürcü və fars) dillərinin tədrisinə hazırlıq görülür.
O da qeyd olunur ki, hazırda Ermənistanın bütün məktəblərində 2-ci sinifdən başlayaraq xarici dil kimi rusca və ingilis, fransız və ya almanca tədris olunur. Növbəti tədris ilindən etibarən məktəblərdə üçüncü dil kimi region ölkələrinin dillərinin öyrənilməsinə də diqqət yetiriləcək.
