28.05.2023, 15:23 272
Qars vilayətinin Qars qəzasında, indiki Amasiya rayonunda olan Qoncalı kəndi rayon mərkəzindən 14 km şimal-qərbdə yerləşir. Qafqazın 5 verstlik xəritəsində qeyd edilmişdir. Toponim gəncəli türk etnonimi əsasında əmələ gəlmişdir. Ehtimal olunur ki, mənşəcə Anadoludakı Qonça kəndindən çıxmış ailələrin məskunlaşması nəticəsində yaranmışdır. Bu kəndin adı erməni mənbələrində Xancallı kimi qeyd olunmuşdur. Kəndin köklü sakinləri azərbaycanlıların etnogenezində iştirak edən qarapapaq türk tayfaları olmuşdur. Ermənistan prezidentinin 19 aprel 1991-ci il fərmanı ilə adı dəyişdirilərək Zarişat qoyulmuşdur.
İsa Musayev
