- Qubadlı rayonunun Xocahan kəndi Həkəri çayının sahilində yerləşir. Oykonim xoca (orta əsrlərdə ticarətlə məşğul olan tacir, habelə məşhur din xadimləri xoca adlanırdı) sözündən və -an (məkan və cəmlik bildirir) şək-dən (h iki a səsinin arasına əlavə edilmişdir) ibarət olub "xocalar; xocaların məskunlaşdığı yer" mənasındadır. Yerli əhalinin məlumatına görə, kənd tarixən ticarət yeri olmuşdur. Oykonim Xocaxan variantında da qeydə alınmışdır.
1993-cü ildə Ermənistan silahlı qüvvələri tərəfindən işğal edilmişdir. Vandal ermənilər işğal dövründə kəndi viran etmişlər.
Xocahan kənd 9 noyabr 2020- ci ildə Azərbaycan Respubliksı Silahlı Qüvvələri tərəfindən işğaldan azad edilib.
Tahirə AĞAMİRZƏ