• 44 günlük Vətən müharibəsində düşmənin planlarından biri də Xaçınçayla bağlı idi. Belə ki, düşmən mövqeləri Xaçınçay ətrafında qurduğu artilleriya vasitəsilə geri çəkilərkən Azərbaycan Silahlı Qüvvələrinin su anbarını hədəfə almaqla nəticədə anbarın beton divarları uçaraq Ağdam şəhərini su altında qoymalı idi.  Lakin düşmən məkrli niyyətinə nail ola bilmədi.

2022-ci ilin mart ayının sonunda keçirilən xüsusi əməliyyat, daha doğrusu, Azərbaycan Silahlı Qüvvələrinin uğurlu  mövqe dəqiqləşdirməsi nəticəsində  Xocalı rayonunun Fərrux kəndi, eyni adlı mühüm dağ platosu və bir neçə adsız strateji yüksəklik Ermənistan ordusunun işğalçı tör-töküntülərindən təmizlənmiş oldu.

İctimai TV-nin çəkiliş qrupu bu günlərdə Xocalı rayonunun Fərrux kəndinin önündəki palıd meşəsində olmuş və buradan çəkiliş etmişlər. Vidieo kadrlarda görünür ki, Ermənistan müdafiə sənayesinin istehsalı olan  kompozit sığınacağın ön panelləri sökülmüş vəziyyətdədir, çarpayıları aşırılmışdır.

Hal-hazırda dağılmış olan bu mövqelərdən göründüyü kimi, düşmən istədikdə Azərbayanın hidroresurslarını  atəş nəzarətinə götürə bilərdi. Amma Azərbaycan ordusunun keçirdiyi “İldırım sürəti” əməliyyatdan sonra həm  Xaçınçay su anbarı, həm də Fərruxzirvəsi  Silahlı Qüvvələrimizin tam nəzarətindədir.

Ordumuz Fərrux və Saxsağan dağ silsilələrində mövqe quraraq, Qarabağ iqtisadi zonasının ətrafındakı təhlükəsizlik halqasını möhkəmlətmiş, keçən ilin avqust ayında uğurla keçirilən “Qisas” əməliyyatında isə  tamamilə bağlamış oldu.

Keçən ilin martın 24-də Xocalı rayonunun Fərrux kəndi istiqamətində keçirilən xüsusi əməliyyatın əsas  məqsədlərindən də biri Azərbaycanın hidroresurslarının Ağdam istiqamətində yerləşən vacib qidroresursların müdafiəsi idi.

Hal-hazırda çayın məcrası başqa istiqamətə yönəldilərək burdakı qismi qurudulub və bənddə bərpa-təmir işləri  görülür.

Qeyd edək ki, Xaçınçay  su anbarı 1964-cü ildə istismara təhfil verilmişdir və  1993-cü ildən  davam edən işğal illərində təbii ki, burda heç bir  dövri-təmir işləri aparılmadığından  su anbarı, demək olar ki,  tamamilə yararsız vəziyyətə düşmüşdür. Çünki 1993-cü ildən, yəni, Ağdam rayonunun işğalçıların nəzarətinə keçməsindən sonra  hidro obyetkin cari təmirləri aparılmamışdır.

Nəticə etibarı ilə əldə edilən uğurlar sırasında Xaçınçayın məcrasının separatçı qüvvələrin viziual nəzarətindən çıxarılması və eyni adlı su anbarının  təhlükəsiz fəaliyyətinin  bərpa olunması qeyd edilməlidir. Xüsusilə qeyd olunmalıdır ki,  uzunluğu 930, hündürlüyü 44 metr olan  Xaçınçay su anbarının bəndi Vətən müharibəsində düşmən qüvvələri tərəfindən  geniş həcmli təxribat üçün istifadə olunmalı idi. Amma işğalçının bu məkrli planı da boşa çıxdı.

Xaçınçay su anbarının önündəki çökəklikdə yerləşən  koponerlər işğalçı  kontingentin artilleriyası üçün  qazılmışdır və  44 günlük müharibədə  burda düşmənin  artilleriyası, onun   canlı qüvvəsi yerləşirdi və bizim  kəndlərə, o cümlədən, öndəki mövqelərə zərbələr endirilirdi. Düşmənin hesabına görə əks cavabla  bu ərazilər vurulmalı və  Azərbaycan ordusu özü  öz əliylə  Xaçınçay su anbarının bəndini dağıdaraq Ağdam rayonunun bir qismini su altında  qoymalı idi.

Həcmi 23 milyon kub metrə çatan Xaçınçay su anbarı rayonunu ən iri su hövzəsidir və onun yenidən tikilməkdə olan Ağdam şəhərinin və ətraf yaşayış məntəqələrinin su təminatında çox böyük rolu var.  Həmçinin hidro obyekt 7 min hektar ərazinin suvarılmasını təmin edərək, rayon təsərrüfatının dirçəlişində də mühüm rol oynayacaqdır.

Tahirə AĞAMİRZƏ