İqtisadiyyat Nazirliyinin mətbuat xidmətindən bildirilib ki, bu fikirlər nazir Mikayıl Cabbarovun Özbəkistanın investisiya və xarici ticarət nazirinin birinci müavini Laziz Kudratovun başçılıq etdiyi nümayəndə heyəti ilə görüşdə səsləndirilib.
Qeyd edilib ki, hazırda uğurla inkişaf edən iqtisadi-ticarət əlaqələrinin genişləndirilməsində Azərbaycan Respublikası ilə Özbəkistan Respublikası arasında əməkdaşlıq üzrə Birgə Hökumətlərarası Komissiya əlverişli platformadır. İqtisadiyyat naziri ölkələrimizin iqtisadi tərəfdaşlığının gücləndirilməsi imkanlarını diqqətə çatdırıb, Özbəkistan iş adamlarını birgə fəaliyyətə dəvət edib.
Özbəkistanın investisiya və xarici ticarət nazirinin birinci müavini Laziz Kudratov ölkəsinin Azərbaycanla əlaqələrə böyük önəm verdiyini bildirib, birgə layihələrin iqtisadi əməkdaşlığın inkişafında rolunu vurğulayıb.
Görüşdə sənaye, investisiya, ticarət, nəqliyyat-tranzit, kənd təsərrüfatı və digər sahələrdə əməkdaşlıq imkanlarından daha geniş istifadə edilməsi, işğaldan azad edilmiş ərazilərimizdə həyata keçirilən layihələrdə Özbəkistan şirkətlərinin iştirakı barədə müzakirələr aparılıb. (AZƏRTAC)