• Qarabağ və Şərqi Zəngəzurda yol infrastrukturu müasirləşir. İşğaldan azad olunan ərazilərin  bərpası və Böyük Qayıdışın yüksək səviyyədə təmin edilməsi məqsədilə  ardıcıl işlər görülür. Azərbaycan Avtomobil Yolları Dövlət Agentliyinin İctimai Əlaqələr şöbəsinin rəisi Anar Nəcəfli “Real” TV-nin suallarını cavablandırıb.

Qarabağda və Şərqi Zəngəzurda yollarımızla bağlı vəziyyətdən danışarkən bildirib ki, işğaldan azad edilmiş ərazilərdə Böyük Qayıdışa dair Dövlət Proqramında  nəzərdə tutulmuş tədbirlər planında Azərbaycan Avtomibil Yolları Agentliyi tərəfindən 2022-2026-cı illər ərzində 20 avtomibil yol layihəsinin və Laçın rayonunda  Beynəlxalq Hava limanının tikintisi ilə bağlı qazma, partlatma və torpaq işlərinin yerinə yetirilməsi nəzərdə tutulmuşdur: “Bu istiqamətdə işlər həyata keçirilir. Qeyd edim ki, artıq  bu layihələrdən beşinin tikintisi yekunlaşdırılıb. 2020-ci ildə Tərtər-Suqovuşan-Çaylı avtomçobil yolu, Talış avtomobil yolunun tikintisi yekunlaşmışdır. 28, 5 km uzunluğunda, 2021-ci ildə  Zəfər yolunun tikintisi yekunlaşdırılıb. 101 km təşklı edən. 2022-ci ildə uzunluğu 22 km təşkil edən  Laçın şəhərinə daxil olmadan yeni alternativ avtomobil yolunun tikintisi uğurla icra olundu və  2023-cü ildə Talış-Tapqaraqoyunlu Qaşaltı sanatoriyası 22 km uzunluğunda yeni avtomobil yolunun tikintisi aparılıb yekunlaşdırıldı. Qeyd edim ki, bu avtomobil yolu  2021-ci ildə istifadəyə verilmişdi, daha doğrusu, 2020-ci ildə istifadəyə verilmiş Tərtərçayı-Suqovuşan-Talış avtomiobil yolunun davamıdır.  Tətrər Suqovuşan avtomoobil yolu yalmız Tərtər şəhərindən  həmin istiqamətdə gediş-gəlişə imkan  verirdi. Amma yeni yolun, yəni Talışdan Tapqaraqoyunlu- Qaşaltı istiqamətindən Naftalan şəhərinə doğru yeni avtomobil yolunun tikintisi, artıq Naftalan şəhərindən də bu istiqamətdə alternativ olaraq gediş-gəliş təmin olundu. Bu da həmin ərazini, həmin bölgənin inkişafı baxımından böyük əhəmiyyət kəsb edir. Ümumiyyətlə, avtomobil yollarının tikintisi mühüm infrastruktur layihələrindən biridir. Belə ki, birbaşa digər tikinti işləri  məhz avtomobil yollarının  tikintisindən asılıdır. Gediş-gəliş rahat olandan sonra digər  infrastruktur layihələrin icrası daha da sürətlənir”.

Anar Nəcəfov daha sonra qeyd edib ki, bu il may ayında dövlətimizin başçısının Füzuli rayonuna səfəri çərçivəsində  Füzuli-Hadrut avtomiobil yolunun tikintisinin yekunlaşdırılması ilə bağlı  açılış mərasimi keçirildi: “Prezidenti orada iştirk etdi. Həmin avtomobil yolunun uzunluğu 12 km təşkil edir. Birinci texniki dərəcəyə uyğun olaraq həmin yolun inşası həyata keçirilib. Qeyd edim ki, ümumilikdə bu avromibil yollarının ümumi uzunluğu hardasa, 210 km təşkil edir. Bura həm də Şükürbəyli-Cəbrayiıl-Hadrut  avtomobil yolunu daxil etmək olar, daha doğrusu, onun bir hissəsinə. Həmin avtomobil yolunun 2022-ci ildə Cəbrayıl şəhərinə qədər olan 14,2 km olan hissəsi istifadəyə verilmişdi. 2023-cü ildə isə Füzuli-Hadrut avtomobil yolu ilə yanaşı,  onun digər hissəsi də Hadrut qəsəbəsi istiqamətində 8, 2 km olan hissəsi də tikilib istifadəyə verildi. Ümumilikdə həmin yolun uzunluğu 39, 7 km təşkil edir.Artıq 23 kilometri tam olaraq hazırdır. Digər hissəsinin  tikintisinin yekunlaşdırılması isə  bu ilin sonuna qədər  tam olaraq planlaşdırılır.  Ümumilikdə bizim tədbirlər planına uyğun olaraq hal-hazırda davam edən 16 layihədən 11-nin icarasının  bu il yekunlaşdırılması tərəfimizdən  planlaşdırılır. Cəmi 5 layihə qalır. Digər layihələr də var ki, hal-hazırda o istiqamətdə mobilizasiya işləri həyata keçirilir. Ağdam şəhərinin daxili yollarının tikintisidi və Hindarx-Ağcabədi avtomobil yollarının tikintisidir ki, həmin layihələri daxil etsək, artıq  18 avtomobil yolu layihəsi olur. Amma  Böyük Qayıdışa dair Birinci Dövlət Proqramında məhz 20 avtomobil yol layihəsinin icrası  nəzərdə tutulub ki, qeyd etdiyimiz kimi, artıq 5-nin  tikintisi yekunlaşıb,  16 layihədən 11-nin icrasını bu ilin sonuna qədər, gələn ilin əvvəlinə planlaşdırılır. Təqribən götürsək, 2024-cü ildə 2 avtomobil yol layihəsinin yekunlaşdırılması, 2025-ci ildə isə 3 avtomobil yolunun  tikintisinin yekunlaşdırılması planlaşdırılır. Bu il tikintisi  yekunlaşdırılan Xudafərin-Qubadlı-Laçın avtomobil yolu nəzərdə tutulur. Həmin yolun  uzunluğu 70,4 kilometrdi. Bundan başqa, Şükürbəyli-Cəbrayıl-Hadrut və Kəlbəcər-Laçın rayonları ərazisində müxtəlif təyinatlı avtomiobil yollarının tikintisi də həyata keçirilir. Bu həm çınqıl əsaslı olmaqla tikilir, həm də ki, asvalt-beton örtüklü olmaqla inşaası həyata keçirilir. Həmin avtomobil yolunun ümumi uzunluğu  hardasa, 1182 km təşkil edir. Bu ilin sonuna kimi tam olaraq bu layihənin də icrası yekunlaşdırılacaq. Ümumilikdə tikintisi başa çatdırılan, tikintisi davam edən avtomobil yol layihələrinin hamısını nəsərdə tutsaq, 2000 km-dan çox yolun tikintisi təzərdə tutulub. İnşallah, bu mərhələli şəkildə icrası yekunlaşdırılacaq. Bizim ən mühüm avtomobil yol layihələrimzdən biri Əhmədli-Füzuli-Şuşa avtomobil yol tikintisidi,  Zəfər yoluna paralel olaraq inşa olunur.  4 və 6 hərəkət zolaqlıdır. Birinci texniki dərəcəyə uyğun olaraq inşa olunur. 81,6 km-dir. Həmin  avtomobil yolunda artıq  tam olarq deyə bilərik ki, 50 faiz işlərin icrası yekunlaşdırılıb. Həmin avtomobil yolu əslində, 2024-cü il istifadəyə verilməsi planlaşdırılır.  Burda çox böyük mühəndis qurğularının, inşaası nəzərdə tutulub ki, bu istiqamətdə də işlər həyata keçirilir”.

Hazırladı: Tahirə AĞAMİRZƏ