06.01.2025, 12:50 235
- Dünyada nə varsa öz adlarına çıxıb atılıb düşən haylar bu ilin yanvarından etibarən hər il, milli “qar bayramı” da keçirməyə başlayacaqlar.
Bunu yanıqpəyəli Cabir "Hraparak"da öz eynəyi və gözü ilə görüb oxuyub. Deyir ki, Qaqık Surenyan adlı bir hay hayların vay şivənlərinin azaldılması qərarına gəlib. O, üzünü bütün hayların katalikosuna tutaraq deyib ki, türklərin bahar bayramı, məhsul bayramı var və hamı həmin gün çox şənlənir. Amma həyasız Hayastanda payızın girəcəyində, ya da yazın ortasında elə qar yağır ki, damdan eşiyə çıxmaq olmur, su da donduğundan qarı əridib kofe içirik ki, haylarda titrətmə, hay-küy kəsilsin. Sən dua elə ki, çox yox, uzaqbaşı 5 sm qar yağsın ki, çölə çıxa bilək və bayram edək. Qaregin nə cavab verib yazmayıblar. Amma hay Qaqonun bu hay-küyündən sonra adam belə düşünür ki, yanıqpəyəlilər demiş, dəlinin başında palıd ağacı olmur və bizim Tahirə xanım hayların təpəsinə kül tökməkdə haqlıdır.
Nəsib
